17.2 C
Parāsi
Thursday, February 2, 2023
spot_img

नेपालमा परिवार नियोजनको नयाँ साधन ‘सायना प्रेस’ भित्रियो, नवलपरासी पश्चिममा सेवा सुरु हुदै।

 

परिवार नियोजनको अस्थायी साधनका रुपमा नेपालमा अर्को नयाँ साधन पनि आएको छ। सायना प्रेस नामक तीन महिने सुई नेपालमा पनि भित्रिएको हो।यो नयाँ ईन्जेक्शन साधन (सुई) आएको र यो डिपोप्रोभेरा भन्दा निकै प्रभावकारी र सजिलो संघका निमित्त कार्यालय प्रमुख यमनाथ पौैडेलले जानकारी दिनु भयो । हरेक तीन महिनामा लगाउनुपर्ने याे साधन तिघ्रा ,पाखुरा र पेटमा लगाउन सकिनेछ।

सन २०१९ देखि २०२० सम्म २८ संस्थाको समन्वयमा ७ सय ९४ महिलाहरुमा परीक्षण गरिएको थियो । सिन्धुली र नवलपुरमा गरिएको पाईलटिङको क्रममा धेरै प्रभावकारी (असफल दर १ प्रतिशत)मात्र रहेको अनुमान छ।  एफडब्लुडीले प्रमाणित गरेपछि सेवा शुरु गर्न लागेको हो ।

नेपाल सरकारले ७ जिल्लामा शुरुवात गर्ने तयारी गरेको छ । यसैगरी नवलपरासी, ललितपुर, रुकुम पुर्व, सिन्धुली, पर्सा र कैलालीमा शुरु हुने छ । परिवार नियोजनका देशभरका साखाहरुमा यो सेवा संचालन हुने उनले बताइन । रुकुम, नवलपरासीसहित संघका शाखाहरुबाट सेवा सुरु हुने भएको हो ।

अस्थाई परिवार नियोजनको साधनको रुपमा डिएमपिए (तीन महिने सुई) १५० एमजी हर्मोन प्रयोग हुन्छ भने सायना प्रेसमा १०४ एमजी प्रोजेक्टिक्स हर्मोन हुनु यसको सकारात्मक पक्ष हो । मात्राका हिसाबले यो कम प्रयोग हुन्छ । यो अटोमेटिक भायल भएर आउछ । आफै सेल्फ ईन्जेक्ट गर्न मिल्ने किसिमको छ तर नेपालमा भने सेवा लिने रुपमा छ । डिएमपिए मासुका लगाइन्थ्यो भने सायना प्रेस बोसोमा लगाईन्छ ।

यसलाई गर्भवति नभएकी महिलाले लगाउन मिल्छ । महिनावारी भएको सात दिन, बच्चा भएको ४२ दिनपछि लगाउन मिल्छ । यो ईन्जेक्सन हातको पाखुरा, नाईटोको बाहिरी भाग र खुट्टाको तिघ्रामा लगाउन मिल्छ । एक पटक लगाएपछि ३ महिनासम्म गर्भ रोकिने उन्छ । महिनावरी नियमित नहुने, तौल घट्नेबढ्ने, यौनचाहना घटबढ गराउने जस्ता साईड ईफेक्ट देखिन सक्ने समभावना भने रहने उनले बताईन । यसको प्रयोगका लागि अहिलेसम्म ४० भन्दा बढि देशमा रजिस्टार भएको उनले बताईन ।

नयाँ प्रयोग बारे जानकारी दिन आइतबार आयोजित अभिमूखिकरणमा संघले पहिलेभन्दा सेवाग्राहीको रुचि र चाहना परिवर्तन भएको जानकारी गरायो ।

नेपाल सरकारले कृपा प्रोजेक्ट मार्फत नेपाल परिवार नियोजन संघलाई परिचालन गर्दै यो सुई सेवा ग्राहि महिलासम्म पु¥याउने उद्देश्य अनुरुप यस जिल्लामा लन्च गर्न लागेको छ । अभिमुखीकरण कार्यक्रममा सुइको फोकल पर्सन तथा संघको सिनियर अनमी अन्जनी श्रेष्ठले यस सुईको विशेषताका बारेमा जानकारी दिदै यो सुई परिक्षण भई प्रयोगमा आईसकेको र यस जिल्लामा आगामी जनवरी महिनाबाट शुरु गरिने बताउनु भयो । उहाँले, यो सुई महिलाले पहिलो पटक लगाउदा महिनावारीको ७ आंै दिनभित्र लगाउनु पर्ने र दोश्रो डोज सुई लगाएको ३ महिना पछि लगाउन सक्ने यसको स्वास्थ्य मापदण्ड रहेको बताउनु भयो । ३ महिनासम्म गर्भ रोक्न लगाउने यस सुईले महिलाको पाठेघरको मुखबाट निस्किे श्रावलाई बाक्लो बनाउने, डिम्ब निस्कासन हुन नदिने र पाठेघरको भित्री परतलाई पात्लो बनाउने हुँदा ३ महिनासम्म गर्भ नरहने श्रेष्ठको दावी छ ।

 

थप समाचार

ताजा खबर