business

रोजगार व्यवसायी र सरकारबीच समस्या समाधानका निम्ति शनिबार राति सहमति भएको छ।

User Rating:  / 0

वैदेशिक रोजगारीमा जाने कामदारहरुका लागि नेपाल सरकारले निःशुल्क भिसा र हवाई टिकटको व्यवस्था लागू गरेसँगै हडतालमा उत्रिएका रोजगार व्यवसायी र सरकारबीच समस्या समाधानका निम्ति शनिबार राति सहमति भएको छ।

सरकार लागू गरेको निःशुल्क भिसा र हवाइ टिकटको व्यवस्थालाई हाल कायम राख्ने र दुवै पक्ष सम्मिलित कार्यदलले त्यसको प्रभावकारिताबारे विभिन्न देशमा अध्ययन गर्ने बुँदाहरु सम्झौतामा उल्लेख छ।

श्रम मन्त्रालयले नेपाली कामदारहरुको बढी माग हुने भनिएको ७ राष्ट्रमा कामदार पठाउनका लागि निःशुल्क भिसा र हवाइटिकटको नियम लागू गरेपछि वैदेशिक रोजगार व्यवसायीहरुले त्यसको विरोध गर्दै कामदार विदेश पठाउने काम रोकेका थिए।

गत असार २१ गतेदेखि उक्त नियम लागू भएको १७ दिनपछि दुवै पक्षले सम्झौता गरेका हुन्।

मा तोकिएको छ।

जर्मनीका विदेश मन्त्री अफगानिस्तानमा

User Rating:  / 0

फ्राङ्कफट, २६ माघ । जर्मनीका विदेश मन्त्री फ्राङ्क वाल्टर स्टेनमिर आइतबार अफगानिस्तान पुग्नुभएको समाचार छ । उहाँ अफगानिस्तानको सहर मजार इ सरिफमा पुग्नुभएको समाचारमा जनाइएको छ । उहाँ अघोषित भ्रमणका रुपमा आइतबार त्यहाँ पुग्नुभएको उहाँका प्रवक्ताले आइतबार बिहान जानकारी दिनुभएको छ । सो सहरमा अहिले पनि करिब तीन हजारको सङ्ख्यामा जर्मनका सैनिकले नेटो सैनिकका रुपमा सेवा प्रदान गरिरहेका छन् । उक्त सहर अफगानिस्तानको उत्तरमा पर्दछ ।
ती सैनिकहरु यसै वर्षको अनत्यसम्ममा त्यहाँ बस्नेछन् । सो कुराको निर्णय जर्मन सरकारले गत बुधबारमात्र गरेको हो । यस निर्णयलाई जर्मनीको संसदले चाँडै नै अुनमोदन गर्नेछ । अफगानिस्तानमा हालैमात्र विगतका तुलनामा गैर सैनिक हताहतिको सङ्ख्या कम्तीमा पनि १४ प्रतिशतले बढेको जनाइएको छ । सोही समयमा उहाँको यो भ्रमण भएको सञ्चारमाध्यमहरुले आइतबार जानकारी दिएका छन् ।उहाँले गर्नुहुने अरु कुनैपनि भेटघाट या अन्य कार्यक्रमका बारेमा भने केही बताइएको छैन । अहिले पनि अफगानिस्तानमा कम्तीमा पनि ५० हजार नेटो सैनिक रहेका छन् । ती सैनिक यसै वर्षको अन्त्यसम्ममा त्यहाँबाट हटिसक्ने निर्णय यसअघि नै नेटो सम्बद्ध राष्ट्रहरुले गरिसकेका छन् ।

संयक्त राष्ट्रसंघले हालै दिएको जानकारी अनुसार सन् २०१३ मा पाकिस्तानमा विगत वर्षको तुलनामा करिब १४ प्रतिशतले नागरिक हताहतिको सङ्ख्य बढेको हो । यो सङ्ख्या सन् २०११ को हाराहारीमा पुगेको पनि बताइएको छ ।  अफगानिस्तानमा रहेको नेटो सैनिकको जानकारी अनुसार सन् २०१३ मा करिब तीन हजार जना सर्वसाधारण मारिएका थिए । सो वर्ष बम विस्फोट एवम् गोली प्रहारबाट छ हजारभन्दा बढी घाइते भएका थिए ।यो हताहति अघिल्लो वर्ष अर्थात सन् २०१२ को तुलनामा कम्तीमा पनि १४ प्रतिशतले बढी हो ।

यसअघि सन् २०११ मा सबैभन्दा धेरै नागरिक मारिएका थिए । वार्षिक रुपमा हेर्दा सन् २०११ मा तीन हजार २०० नागरिकको ज्यान गएको थियो । गएको पाँच वर्षयता अफगानिस्तानमा करिब १५ हजार नागरिकले ज्यान गुमाउनु परेको छ ।

More Articles...