बार्सिलोनालाई झट्का, रियल शीर्ष स्थानमा

User Rating:  / 0
PoorBest 

गएराति भएको ला लिगाको खेलमा बार्सिलोनाले हार व्यहोरेको छ । सेल्टा डि भिगोसँग ४–१ ले पराजित भएसँगै जारी सिजनमा बार्सिलोनाको शतप्रतिशत नतिजाको रेकर्ड अन्त्य भएको छ ।
आफ्नो पूर्व क्लबविरुद्ध नोलितोले गोलको खाता खोलेपछि लिभरपुरका पूर्व फरवार्ड लागो अस्पासले दुई गोल थपे । बार्सिलोनाको लागि खेल सकिनु १० मिनेट अघि नेयमरले सान्त्वना गोल गरे तर त्यसको तीन मिनेट लगत्तै भिगोको लागि गुडेटीले गोल गर्दै अग्रता ४–१ बनाए ।  
बार्सिलोनाका प्रशिक्षक लुइस इनरिक्वले विपक्षीको खेलको प्रशंसा गरे । ‘जब विपक्षीले आफूभन्दा राम्रो खेल्छन्, त्यहाँ भन्नु केही बाँकी हुन्न’, हारपछि उनले भने,‘उनीहरुले सुन्दर फुटबल खेलेर जिते, यस्तो हार म स्वीकार गर्छु ।’
रियलसँगै समान ५ खेल खेलेको बार्सिलोना १२ अंकसहित तालिकाको ५ औं स्थानमा छ ।
गएराति नै भएको अर्को खेलमा एट्लेटिक वेल्बाओलाई २–१ हराउँदै रियल मेड्रिड अंक तालिकाको शीर्ष स्थानमा उक्लिएको छ ।
रियलको लागि करिब बेन्जेमाले २ गोल गर्दै जितको आधार दिलाए । उनले १९ र ७० औं मिनेटमा गोल गरेका थिए । एट्लेटिकोको लागि मेरिनो जुलागाले ६७ मिनेटमा गोल गरे ।